اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فقال الاولاني يا حول الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية
واحد حشاش خد مرتبه أول الشهر .. فبيقسم فلوسه
ميت جنيه ايجار .. ميت جنيه كهرباء .. ميتين جنيه حشيش
راح الباب مخبط
قال المحشش : مين
قالولو البوليس
راح مقطع الميتين جنيه بتوع الحشيش
إتنين مساطيل قاعدين قدام مراية، واحد منهم بيسأل التانى واخد بالك من الإتنين إللى قاعدين هناك دول؟ التانى وقف يشوفهم، راح زميله قاله خليك فى واحد منهم جاى علينا.
البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا بيه.
ثلاثه من المسطولين وقفوا أمام أحد المنازل و زعق أحدهم :يا أم محمد ، يا أم محمد ، عايز إيه يا منيل ، إنرلى شوفي جوزك مين فينا
واحد مسطول رجع بيتهم و مش عارف يفتح الباب فصحى ابنه على صوت الباب قال مين رد عليه انا ياد قله مين بابا احدفلك المفتاح قاله المفتاح معايا إحدفلى الخرم
إتنين مساطيل .
واحد بقول للتاني : لو مفيش ستات في الدنيا كان إيه إلي حصل .
إتاني قاله : مكنش الراجل إتجوز على مراته
اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه
اتنين مساطيل واقفين مستنيين الاوتوبيس فالاول بيسال: هنعرف الاتوبيس ازاى
التانى قاله بسيطه اللى هيجى يقف هنا يبقى اتوبيس
قاله طب والكومسارى قاله: بسيطه اللى هيحط ايده على كتفك يبقى الكومسارى ...ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهالوا.. فقالهم: انا مش الكومسارى انا ضابط بحريه....
الخميس نوفمبر 20, 2008 7:46 pm